Llywodraeth Cynulliad Cymru

Tân ac achub

Ers i'r Gwasanaeth Tân ac Achub gael ei ddatganoli'n ffurfiol yng Nghymru, mae Llywodraeth Cynulliad Cymru, yr Awdurdodau Tân ac Achub, personél y gwasanaethau a'n partneriaid a'n rhanddeiliaid allweddol eraill wedi bod yn gweithio i sicrhau ein bod yn parhau i gael y gwasanaethau tân ac achub gorau posibl.

Rydym yn cydnabod bod darparu gwell gwasanaethau tân ac achub ar gyfer pobl Cymru yn dibynnu i raddau helaeth ar ymdrechion yr awdurdodau tân ac achub unigol i weithio gyda’u cymunedau lleol a chyda’i gilydd. Drwy gydweithio, gallwn leihau nifer y marwolaethau a'r anafiadau sy’n cael eu hachosi gan danau, a diogelu eiddo domestig a chyhoeddus yng Nghymru.

Mae gennym hefyd rôl bwysig i’w chwarae o safbwynt atal tân, ac o ran addysgu a chysylltu â chymunedau ledled Cymru. Mae diffoddwyr tân yn bobl uchel eu parch y gall ein pobl ifanc eu hefelychu, tra bo gorsafoedd tân, llawer ohonynt mewn lleoliadau canolog yn ein cymunedau, yn datblygu'n ganolbwynt pwysig ar gyfer gweithgareddau cymunedol, yn ogystal â chyflawni'u rôl draddodiadol.

Bydd y Gwasanaeth Tân ac Achub yng Nghymru yn gweithio i ddarparu gwasanaethau a fydd yn ymateb i’r galw ac yn parhau i gynnig y safonau uchel yr ydym bellach yn eu disgwyl.

Y newyddion diweddaraf

Cyllid gwerth dros £3.5 miliwn i wasanaethau tân ymdrin ag argyfyngau difrifol

09/04/09

Y bydd rhaglen Chwilio ac Achub Trefol (USAR) Dimensiwn Newydd yn elwa ar gyllid gwerth £3.524 miliwn dros y pedair blynedd nesaf. Bydd hyn yn galluogi Gwasanaethau Tân ac Achub i ymateb yn well i ystod eang o argyfyngau difrifol.