Prif Swyddog Meddygol Cymru

Dr Tony Jewell (y Prif Swyddog Meddygol) fydd Cyfarwyddwr Adran Iechyd y Cyhoedd a'r Proffesiynau Iechyd.

Mae'r Prif Swyddog Meddygol (CMO) yn rhoi arweiniad a chyngor proffesiynol annibynnol i'r Prif Weinidog ac i weinidogion eraill Llywodraeth Cynulliad Cymru, ac i swyddogion Cynulliad Cenedlaethol Cymru am faterion iechyd a gofal iechyd.

Mae'r CMO:

• Yn arwain rhaglenni a pholisïau iechyd cyhoeddus, gan weithio ar draws holl adrannau polisi'r Cynulliad Cenedlaethol a chydag amrywiaeth mawr o bartneriaid allanol, gyda'r nod o wella iechyd a lleihau'r anghydraddoldebau iechyd;
• Yn arwain y cyfraniad clinigol yng Nghymru tuag at wella ansawdd gofal iechyd a'r canlyniadau i gleifion;
• Yn arwain y proffesiwn meddygol yng Nghymru, gyda rolau allweddol mewn rheoleiddio meddygol, addysg a hyfforddiant, safonau a pherfformiad;
• Yn cynnal y cysylltiadau priodol yn y DU ac yn rhyngwladol, gan weithio gyda sefydliadau, adrannau llywodraeth a Phrif Swyddogion Meddygol eraill y DU.

Dechreuodd Dr Tony Jewell ei swydd fel Prif Swyddog Meddygol Cymru ym mis Ebrill 2006.

Cyn hynny, roedd Dr Jewell yn Gyfarwyddwr Clinigol a Chyfarwyddwr Iechyd y Cyhoedd Awdurdod Iechyd Strategol Norfolk, Suffolk a Swydd Gaergrawnt. Bu'n Feddyg Teulu yng nghanol Llundain am 10 mlynedd cyn hyfforddi ym maes iechyd y cyhoedd yn East Anglia.

Mae wedi gweithio yn yr Adran Iechyd ac ef yw Llywydd diwethaf Cymdeithas Cyfarwyddwyr Iechyd y Cyhoedd y DU.