Gŵyl Dylan Thomas 100

Mae 2014 yn nodi can mlynedd ers geni Dylan Thomas yn Abertawe. Thomas yw un o awduron pwysicaf a mwyaf uchel ei barch Cymru. I ddathlu’r digwyddiad unigryw hwn, mae Llywodraeth Cymru, Cyngor Celfyddydau Cymru ac awdurdodau lleol partner yn arwain dathliad o fywyd Dylan Thomas, ei waith a’i etifeddiaeth.

Yn y cyfnod yn arwain at 2014, ac yn ystod y flwyddyn ei hun, bydd partneriaid ariannu yn buddsoddi mewn rhaglen o weithgareddau blwyddyn. Bydd y rhaglen o ddigwyddiadau, bach a mawr, rhyngwladol a lleol, yn tynnu sylw at gyfleoedd artistig, diwylliannol, addysgol a masnachol y gall dathliad unigryw o’r fath eu cynnig. Bydd digwyddiadau yn seiliedig ar bedair thema ac ar weithiau Dylan Thomas.

• Between the Covers of Books (Addysg a Dysgu)
• To Wales in My Arms (Twristiaeth)
• Sailed and Set Dazzling (Rhyngwladol)
• Digwyddiadau High Hill and Green Fuse - er mwyn ysbrydoli gweithgareddau'r ŵyl a rhoi strwythur iddynt.

Gwneud cais am gymorth ariannol

Gan ystyried pa mor boblogaidd yw Dylan Thomas, rydym yn disgwyl y daw mwy o gynigion am arian i law nag y gallwn roi cymorth iddynt. Mae hyn yn golygu mai dim ond y prosiectau gorau sy’n debygol o gael eu hariannu.

Mae cael syniad da neu brosiect cyffrous yn gam cyntaf hanfodol. Ond mae hefyd angen i chi gyflwyno cynnig sy’n disgrifio’n glir ac yn fanwl beth yr ydych am ei wneud.

Rydym am i chi deimlo eich bod wedi gallu cyflwyno eich syniadau a’ch cynnig mewn ffordd sy’n darbwyllo. Mae’r pecyn gwybodaeth ariannu isod yn amlinellu’r broses ariannu.

Ewch i: Gŵyl Dylan Thomas 100 (dolen allanol)

Ewch i: Cyngor Celfyddydau Cymru (dolen allanol)