Gwneud y Fro yn fwy diogel

Mae'r Bartneriaeth yn gweithio ar draws Bro Morgannwg i atal pob math o droseddu ac anrhefn fel cam-drin domestig, camddefnyddio sylweddau a throseddu casineb. Mae hefyd yn rhedeg nifer o raglenni ieuenctid ac yn gweithredu prosiectau sy'n mynd i'r afael â'r ofn troseddu sydd ar bobl er mwyn helpu'r bobl leol i deimlo'n ddiogel yn eu cartref a'u cymuned.

Diolch i'w hystafell sydd newydd ei hailwampio, mae'r Bartneriaeth yn helpu nifer o gyrff i gynnal gweithdai atal troseddu bob dydd.

Meddai Carl Sargeant:

"Fe all pob math o droseddu ddifetha cymuned, felly mae'n bwysig bod gan gyrff fel Partneriaeth Bro Ddiogelach y cyfleusterau sydd eu hangen arnyn nhw i fynd at wraidd y problemau.

"Mae'r ystafell newydd yn lle gwych i grwpiau gwahanol ymgynnull i edrych ar ffyrdd o ddatrys y problemau sy'n effeithio arnyn nhw a'u cymuned. Hyd yn hyn, mae grwpiau fel y grŵp gwarchod cymdogaeth lleol a'r uned cyfeirio disgyblion wedi manteisio ar y cyfleusterau, a gobeithio y bydd llawer mwy yn elwa ar yr hyn sy'n cael ei gynnig.

"Mae Llywodraeth Cynulliad Cymru wedi ymrwymo i sicrhau bod ein holl gymdogaethau yn lleoedd diogel i fyw, ac mae'n rhedeg nifer o fentrau i fynd i'r afael â materion ynghylch diogelwch cymunedol. Rydyn ni'n cefnogi Partneriaethau Diogelwch Cymunedol lleol ledled Cymru, ac rydyn ni hefyd yn gweithredu Strategaeth Troseddwyr Ifanc Cymru Gyfan."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan