Dirprwy Weinidog yn ymateb i adroddiad arolygu ar Wasanaethau Cymdeithasol Plant yng Nghastell-nedd Port Talbot

Dywedodd y Dirprwy Weinidog:

“Mae arolygiad o wasanaethau cymdeithasol plant yng Nghyngor Castell-nedd Port Talbot wedi dangos bod yr awdurdod yn dal i fod yn benderfynol o wella’i wasanaethau cymdeithasol plant, a’i fod yn parhau i fuddsoddi yn y gwasanaethau hynny.

“Mae’r cyngor wedi cychwyn ar raglen sylweddol o newid er mwyn gwella’r trefniadau gweithio rhwng gwahanol asiantaethau ac i wella’r arferion ym maes gofal plant. Mae canfyddiadau’r adroddiad hwn yn dangos bod y cyngor wedi dod yn ei flaen yn dda ond mae hefyd yn nodi meysydd lle mae angen i’r cyngor fynd ati’n ddi-oed i wella’r gwasanaethau y mae’n eu darparu, er mwyn sicrhau lles a diogelwch plant.

“Mae Prif Arolygydd AGGCC wedi esbonio imi’r trefniadau sydd gan yr Arolygiaeth i fonitro cynnydd yr awdurdod yn rheolaidd. Rwyf wedi gofyn i’r Prif Arolygydd roi gwybod imi am gynnydd yr awdurdod wrth iddo wella ei wasanaethau plant.

“Bydd arolygiad arall o wasanaethau’r cyngor i blant yn cael ei gynnal yn ystod haf 2012.”

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan