Llywodraeth Cymru | Y Prif Weinidog yn canmol gwaith y timau achub yn y llifogydd

Hafan > Newyddion > Prif Weinidog Cymru > 2012 > Y Prif Weinidog yn canmol gwaith y timau achub yn y llifogydd

Cofrestrwch ar gyfer y canlynol: Cylchlythyr | Newyddion

Y Prif Weinidog yn canmol gwaith y timau achub yn y llifogydd

Mae Prif Weinidog Cymru, Carwyn Jones, wedi sôn am y sioc a gafodd o weld y difrod a wnaed gan y llifogydd yn rhannau o’r Canolbarth.

Dydd Sul 10 Mehefin 2012

Canmolodd ddewrder y timau argyfwng a ofalodd fod hyd at 1,000 o bobl yng ngogledd Ceredigion a Phowys yn cael eu symud i le diogel.

Bydd Gweinidog Llywodraeth Leol a Chymunedau Llywodraeth Cymru, Carl Sargeant, yn ymweld â’r ardal i weld drosto’i hun y gwaith glanhau sy’n cael ei gynnal, ac i ddiolch i’r rheini a gyfrannodd at y gwaith achub.

Meddai Prif Weinidog Cymru, Carwyn Jones:

“A finne wedi treulio nifer o flynyddoedd yn byw ac yn astudio yn Aberystwyth, roedd hi’n anferth o sioc gweld faint o ddifrod yr oedd y llifogydd wedi’i wneud mewn ardal sy’n gyfarwydd iawn ifi.

“Ond unwaith eto, rwyf wedi bod yn dyst i ddewrder ein gwasanaethau argyfwng. A hwythau’n gweithio o dan amodau brawychus, gofalon nhw fod hyd at 1,000 o bobl yn cael eu symud i le diogel. Diolch i broffesiynoldeb ac ymroddiad y criwiau argyfwng proffesiynol a gwirfoddol, chafodd yr un bywyd ei golli.

“Rwyf wedi bod yn dilyn y datblygiadau’n fanwl ar hyd y penwythnos. Bydd Llywodraeth Cymru yn gweithio nawr â’r holl asiantaethau dros yr oriau, dyddiau ac wythnosau nesaf i unioni’r sefyllfa i’r cymunedau hyn cyn gynted â phosibl.”