Ystadegau cyntaf y du yn dangos gwariant o £4.4bn ar blant yng Nghymru

Dyma’r tro cyntaf y mae ystadegau cynhwysfawr o’r math hwn wedi’u rhyddhau yn y Deyrnas Unedig ac mae’n un o ofynion allweddol Confensiwn y Cenhedloedd Unedig ar Hawliau’r Plentyn. Bydd y data yn helpu i lywio a datblygu polisi’r llywodraeth yn y dyfodol.

Mae’r ystadegau’n dangos bod y gwariant fesul plentyn gan Llywodraeth Cynulliad Cymru wedi codi o £5,600 yn 2005-06 i £5,900 yn 2006-07. Disgwylir i hyn godi i £7,100 erbyn 2010-11 gyda chyfran cyllideb Llywodraeth y Cynulliad a gaiff ei dyrannu i blant yn aros yn rhyw 28 y cant.

Dywedodd Jane Hutt, y Gweinidog dros Blant:

Rydyn ni am sicrhau bod pob plentyn yng Nghymru yn cael y dechrau gorau posib mewn bywyd. A Chonfensiwn y Cenhedloedd Unedig ar Hawliau’r Plentyn yn ganolog i bopeth rydyn ni’n ei wneud, rydyn ni’n hyrwyddo polisïau sy’n rhoi’r lle canolog i hawliau, iechyd a hapusrwydd plant.

Mae’r arian sylweddol sydd wedi’i nodi yn yr ystadegau cyntaf newydd hyn ar gyfer y DU yn dangos ymrwymiad clir i sicrhau ein bod ni’n gweithio i wella cyfleoedd bywyd ein pobl ifanc ar draws holl bortffolios Llywodraeth y Cynulliad, o iechyd i drafnidiaeth.

Mae’n nod gyda ni i ddiddymu tlodi ymhlith plant erbyn 2020. Drwy wneud buddsoddiadau ariannol sylweddol ym mywydau plant, gan sicrhau bod gyda nhw’r hawliau y maen nhw’n eu haeddu, fe allwn ni helpu i wneud y nod hwn yn realiti.

10 Mawrth 2009

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan