Grantiau

Mae Llywodraeth Cymru ac arianwyr statudol eraill yn defnyddio grantiau fel ffordd rymus o gyflawni eu hamcanion polisi. Mae grantiau’n galluogi llywodraeth leol a’r sector gwirfoddol i ddarparu gwasanaethau penodol i bobl Cymru. Mae grantiau’n cychwyn ac yn cynnal gweithgarwch economaidd a chymdeithasol sylweddol a hefyd mae cryn amser yn cael ei fuddsoddi ynddynt yn ogystal ag arian y trethdalwr.

Mae Canolfan Ragoriaeth Grantiau wedi’i sefydlu yn Llywodraeth Cymru i sicrhau y bydd dull gweithredu cyson o safon uchel yn cael ei ddefnyddio ar draws pob adran o ran y ffordd y mae grantiau’n cael eu dyrannu, eu rheoli, eu monitro a’u gwerthuso.

Lle bydd grantiau ar gael oddi wrth Lywodraeth Cymru, bydd timau o staff o wahanol adrannau yn gallu cynnig cyngor am geisiadau, ymdrin â cheisiadau a’u prosesu yn unol â’r math o grant dan sylw. Bydd rhai cynlluniau wedi’u cyfyngu i ymgeiswyr penodol megis yr Awdurdodau Lleol, busnesau neu fudiadau gwirfoddol. Bydd cynlluniau eraill yn agored i unigolion, efallai'r rheini y mae angen cymorth ariannol arnynt i barhau i astudio neu sy’n dymuno dechrau busnes. Ewch i wefan Gov.uk am ragor o wybodaeth.

Dylid cyfeirio unrhyw ymholiadau unigol am gynlluniau neu geisiadau grant penodol at y tîm priodol o fewn Llywodraeth Cymru. I gael rhagor o wybodaeth am y cynlluniau grantiau sydd ar gael, dewiswch faes pwnc o'r rhestr ar ochr chwith y dudalen hon.